partekatu
• FORU ALDUNDIA
Mugikortasuneko eta Lurralde-Antolamenduko diputatua Lasarte-Orian
Rafaela Romero, Mugikortasuneko eta Lurralde-Antolamenduko diputatu forala, Lasarte-Oriako alkatearekin bildu da, herriak 4 urte honetarako dituen beharrak lehen eskutik ezagutzeko.
Alkatetzaren eskaerari erantzunez, diputatuak, Iñaki Prego mugikortasuneko zuzendari nagusiarekin eta Miguel Ángel Crespo lurralde-antolamenduko zuzendari nagusiarekin batera etorri zelarik, bilera egin du Jesus Zaballos alkatearekin. Bilera horretan, Zaballosek hainbat gai helarazi dizkio haren departamentuak azter ditzan, Lasarte-Oriarako irtenbide egoki bat bilatze aldera.
Landutako gaien artean, hauek daude:
- Txikierdiko bidegorria egitea.
- Donostiara doan autobus-linearako geraleku bat egitea Goiegiko biribilgunean, herritarrek eskatu bezala.
- Plazaolako bide berdea burutzeko irtenbide bat bilatzea txanpiñoizalearen tunelarekin dagoen arazoa konponduz, horrek Gipuzkoako bidegorrien sarearekin Andoaina bidean behin betiko konektatzeko aukera emango bailiguke.
- Lasarte-Oriarako mugikortasun-plana finantzatzeko aukera.
Horrez gain, gure udalerriari eragiten dioten hiri arteko lineen lizitazioaren egoeraz interesatu zen alkatea.
Iturria: Lasarte-Oriako Udala
